 |
||||||||||||||||||
|
|
|
 |
|
|
Steckbrief
Gesucht wird... Name: Marc, alias Bär, Teddy oder Bärli :-) Am 22. März 1972 hät er s'Liecht vo dere Wält zum erste mal erblickt. Vo da isch er stehts gewachse. Zerst i d' Höchi, dänn i d'Breiti und dänn au no es bitzeli geistig... *smile* Er hät zwei Brüdere. Ufgewachse isch er rund um dä Zürisee. Zerst drüü Jahr in Adliswil, dänn vier Jahr in Küsnacht, wo er in Chindergarte gange isch und dänn fascht zwänzg Jahr in Herrliberg. Im Herbst 1998 händ sini Spure dä Kanton Züri verlah und er isch während 3 1/2 Jahre i dä Gägend vom Mutschälle mit eme AG-Kontrollschild gsichtet worde. Sit em Mai 2002 isch er Grücht nah zume Basler-Bebbi mutiert ;-) Nach allerneuschte Mäldige hät er scho wieder im Kanton AG Asyl beatreit und au übercho... S'Verfahre säg am 1. September 2003 eröffnet und innert wenige Minute bewilligt worde...
Mer munklet, dass sin neue Brötligeber sit em 1. März 2002 d'Helvetia säg. Vorher isch er bi dä Allianz Suisse in Baden (ehemals Berner Versicherig) und bi dä Ränteastalt gsi und hät devor fascht vier Jahr bi dä Intras Chrankekasse büglet. Also durch und durch en Versicherigsheini ;-) Am 6. Auguscht 2004 isch er under d'Seefahrer gange und im Hafe vo dä Ehe gstrandet ;-) Für sachdienlichi Hiiwiis nach em mögliche Ufenthaltsort vom Gsuechte mäldisch dich am beschte under...
********************************************************************
... und vergiss dä Itrag im Gäschtebuech nöd... ;-)
|
|
